Stubbaspeki.

Að gefnu tilefni datt mér í hug að athuga reikningshæfileika míni-my sem er rétt rúmlega 3 ára og bráðskýr. Ég spurði hann að gamni mínu hvort hann vissi hvað 1+1 væri en hann hafði aldrei heyrt minnst á samlagningu áður og sagðist ekki vita það. þá umorðaði ég dæmið og spurði hvað hann ætti mörg súkkulaðistykki ef hann fengi eitt hjá mömmu og eitt hjá pabba en hann vissi það ekki. Ég ákvað að gera úrslitatilraunina og sökum gífurlegs áhuga hans á bílum ákvað ég að spyrja hann hvað hann ætti marga bíla ef hann fengi einn bíl í afmælisgjöf og einn bíl í jólagjöf. Svarið kom alveg án umhugsunar. "Þá á ég súkkulaðibíl" svaraði sá stutti mjög ánægður með sjálfan sig. Ekki alveg komið að samlagningunni greinilega:)