Ónýtir bílar- slasað fólk. Rándýr rannsókn.

Það er ekkert lát á atburðum í umferðinni þar sem björgunarfólk þarf að koma slösuðu fólki í skyndingu undir læknishendur, fjarlægja bílhræ og hreinsa vettvanginn af glerbrotum og öðru braki. Hver er ástæðan fyrir þessu? Man eftir rándýrri og viðamikilli rannsókn sem gerð var fyrir nokkrum árum í Bandaríkjunum.

Niðurstöður þessarar rándýru rannsóknar voru sláandi en koma í sjálfu sér ekki á óvart.

Í flestum tilfellum komu við sögu bílstjórar sem voru ekki að nota möguleika augnanna!!

Það eru nokkur atriði sem þarf að athuga með augunum bæði við akstur og áður en sest er undir stýri en ég reikna með að allir með bílpróf eigi að vita hvaða atriði er átt við.

Það eru margvíslegar ástæður fyrir því að augun eru ekki notuð við aksturinn. Meðal annars:

Verið er að nota þau til einhvers annars en aksturs t.d. stilla útvarp, senda SMS, glápa út í loftið, horfa á farþegana, syfja, þreyta og margt fleira.

 Vegna svokallaðs tregðulögmáls tekur ekki nema örfáar sek. eða sek. brot að missa bíl út af viðeigandi aksturssvæði ef bíllinn fær að ráða sjálfur og þeim mun styttri tíma eftir því sem hraðinn er meiri.

Afleiðingarnar geta verið margvíslegar og fara eftir aðstæðum en þær helstu eru: Smá sviti, Dauði, lömun, örkuml, beinbrot, lífstíðarverkir, eignatjón, síhækkandi tryggingaiðgjöld.

Er niðurstaða þessarar rándýru Bandarísku rannsóknar peninganna virði, er ástæðan svona hrikalega einföld eða er þetta þvæla? 

Hvað með t.d. vanmat/ofmat, ásetning, heimsku, tillitsleysi?

 Hvað finnst ykkur?

 

 

Athugasemdir

[Anna Viðarsdóttir, 8.12.2007 kl. 22:19]

Þetta er bara hrein og klár meðvitundarleysi. Ef þú notar tækifærið næst þegar að þú ert FARÞEGI í bíl, þá sérðu hvað ég er að tala um. Það eru fæstir með hugann við umferðina. Ef þú byrjar frá og með sunnudeginum að telja t.d. alla þá trukkabílstjóra sem eru að tala í símann og auðvitað ÁN handfrjáls búnaðar, þá kemur niðurstaðan þér sennilega á óvart. Ég er farin að halda að það sé svona leiðinlegt að vera trukkabílstjórin að þeir þurfi að vera í símasambandi meirihlutan af tímanum sem þeir eru undir stýri.

[Íris Fríða , 11.12.2007 kl. 08:03]

Ég viðurkenni það alveg að ég er oft skelfilega utan við mig við akstur (sem er í raun glæpsamlegt athæfi) að senda sms, lækka í útvarpi, leita að dóti í bílnum og í gegnum tíðina hef ég verið alveg fáranlega heppin, einhver er að fylgjast með mér, því ég hef oft hugsað jæja þarna skall hurð nærri hælum.

Bara rétt áðan kýkti ég á jólaskreytingu og bíllinn tók beygju alveg uppá sitt eindæmi og sveigði hjá ljósastaur, þá svitnaði ég alveg get ég sagt þér!

Og hugsaði nei nú hætti ég þessari vitleysu....... Þangað til næst..