Látum samt ekki blekkjast, því...

... af hverju er alltaf talað um gríðarlegar skuldir bankanna en aldrei minnst á eignir bankanna sem þó voru metnar 900 milljörðum hærri en skuldirnar áður en bankarnir komust í greiðsluþrot.

Já... Eignirnar voru metnar næstum 1000 milljörðum hærri en skuldirnar.

Það er einhver maðkur í mysunni og ég ætla ekki að láta blekkjast af fagurgalanum.
Því ekki að þykjast vera orðnir góðu kallarnir.
Kannski verða kosningar bráðum og það á eftir að ná eignum bankanna á "rétta" staði.
Þá er eins gott að einhver kjósi mann svo hægt verði að toga í réttu spottana.

Bankarnir urðu ekki gjaldþrota ...þeir komust í greiðsluþrot því það vantaði gjaldeyri.

Ég bara spyr bara enn og aftur...
...eru alþingismenn í heild sinni og þá jafnvel með Vinstri græna fremsta í flokki að búa sig undir að sölsa undir sig gífurlegar eignir bankanna fyrir ekki neitt og láta svo börnin okkar borga skuldirnar?
-alla vegana tala Vinstri grænir mest um að börnin okkar verði að borga þetta! ...og kannski eru Sjálfstæðismenn dauðfegnir að fá aðstoð við að verðfella þessar eignir í augum almennings.
-auðvitað færu börnin létt með að borga þessar gríðarlegu skuldir ef þau hefðu ennþá þær gríðarlegu eignir sem bankarnir nú eiga. Þau gætu selt þær og þau ættu sennilega stóran afgang ef aularnir niðrá alþingi væru þá ekki búnir að glutra þeim niður í göturæsið...
-auðvitað teljast alþingismennirnir okkar aular ef þeim hefur tekist að tala eignir bankanna það mikið niður að þær hafi rýrnað um meira en 1000 milljarða á 4-6 vikum.
-auðvitað eru þeir ekki aular ef þeir og þeirra fólk eignast góssið fyrir ekki neitt. Þá verðum við að kalla þá siðblinda aumingja, en við skulum vona að til þess komi ekki.

Og ég bara spyr aftur og enn...
...ætla fréttamenn að hneppa börnin okkar í þrældóm með því að gera lítið úr eignum bankanna og samþykkja að eignir bankanna séu einskis eða lítils virði?
...er verið að tala eignirnar niður og sannfæra þjóðina um að þetta sé bara eitthvað bréfadrasl svo "réttu" aðilarnir geti fengið þetta á silfurfati fyrir ekki neitt?

Hvar eru gríðarlegar eignir bankanna núna?

Af hverju er bara talað um skuldirnar?

Hvað er í gangi???

Stjórnendur Seðlabankans víki

Athugasemdir

[Jón Steinar Ragnarsson, 14.11.2008 kl. 02:02]

Látum heldur ekki blekkjast á því að mestur hluti eigna bankanna voru skuldir. Kröfur á ónýtar fjárfestingar, sem ekki munu innheimtast. Þessar eignir eru iðnaður, kvóti, orkuframleiðsla og dreifing, landareignir og allt það í raun, sem fjarfest hefur verið í af einstaklingum og fyrirtækjum. Þetta er allt saman langt undir verði og að nota það sem skiptimynt þýðir að selja útlendingum landið fyrir slikk.

Þegar banki lánar milljón, þá er sú milljón færð til eignar. Út á þá milljónaeign, lánar hann svo aðra milljón og svo koll af kolli. Þessvegna erum við í vandræðum. Eignir bankanna eru því loftbóla ein.

[Jón Steinar Ragnarsson, 14.11.2008 kl. 02:05]

Í útlöndum heita þessi bréf og kröfur "toxic waste".  Verðlaust drasl. Bílar, húsnæði, fallítt fyrirtæki etc.

[Björgvin Kristinsson, 14.11.2008 kl. 02:29]

OK... ég ætla nú ekki að trúa öllu sem logið er að mér...

Hver laug þessu að þér?  ...kannski sá sem ætlar sér að eignast " verðlausa draslið"?

[Jón Steinar Ragnarsson, 14.11.2008 kl. 04:41]

Hversvegna í ósköpunum ætti ég að vera að ljúga? Veistu kannski ekki hvernig peningar verða til?

[Björgvin Kristinsson, 14.11.2008 kl. 10:35]

Þakka þér fyrir Jón Steinar. Ég hef dottið í lukkupottinn. Þú ert akkúrat með málflutninginn sem ég er að tala um. Notuð eru orð eins og" eignirnar eru loftbóla" þetta á allt að vera" Verðlaust drasl" eða " fallítt fyrirtæki" og svo kemur eitthvað ægilega flott á ensku sem allir verða nú að trúa, nefnilega ."toxic waste". Svo koma stöplaritin, vísun á rosalega merkilegar heimasíður...
... viðurkenndu það bara, það er verið að undirbúa almennig undir það að "réttu" aðilarnir fái þessar gríðarlegu eignir fyrir ekki neitt.
Getur það gengið upp að gömlu Hafskipsmennirnir séu orðnir eigendur að Eimskip... eða að Jón Ásgeir sé orðinn eigandi að sjálfu Morgunblaðinu. Mér er nákvæmlega sama en ef það á vísvitandi að gera eins lítið úr eignum bankanna og þar af leiðandi hneppa börnin okkar í þrældóm þá get ég ekki lengur horft fram hjá sukkinu. 
En er virkilega enginn Vinstri grænn þarna úti sem getur útskýrt þeirra málflutning?