Ætli það verði minnst á gríðarlegar eignir bankanna?

Það eru til gríðarlegar eignir í bönkunum sem þarf að koma í verð í rólegheitunum. Vonandi verður minnst á það atriði á þessum blaðamannafundi. Ég nefnilega skil ekki af hverju er alltaf talað um gríðarlegar skuldir bankanna en aldrei minnst á eignir bankanna sem þó voru metnar 900 milljörðum hærri en skuldirnar áður en bankarnir komust í greiðsluþrot og jafnvel helmingi hærri en skuldirnar eftir því sem Björgólfur eldri sagði í Kastljósinu í gær. 

Já... Eignirnar voru metnar minnsta kosti 1-2000 milljörðum hærri en skuldirnar.

Bankarnir urðu ekki gjaldþrota ...þeir komust í greiðsluþrot því það vantaði gjaldeyri. Verður eitthvað talað um það?

Og ég bara spyr ef ekkert á að minnast á gríðarlegar eignirnar...
...eru alþingismenn í heild sinni og þá jafnvel með Vinstri græna fremsta í flokki að búa sig undir að sölsa undir sig gífurlegar eignir bankanna fyrir ekki neitt og láta svo börnin okkar borga skuldirnar? Var eitthvað minnst á það?
-alla vegana tala Vinstri grænir mest um að börnin okkar verði að borga þetta! ...og kannski eru Sjálfstæðismenn dauðfegnir að fá aðstoð við að verðfella þessar eignir í augum almennings.
-auðvitað færu börnin létt með að borga þessar gríðarlegu skuldir ef þau hefðu ennþá þær gríðarlegu eignir sem bankarnir nú eiga. Þau gætu selt þær og þau ættu sennilega stóran afgang ef aularnir niðrá alþingi væru þá ekki búnir að glutra þeim niður í göturæsið...
-auðvitað teljast alþingismennirnir okkar aular ef þeim hefur tekist að tala eignir bankanna það mikið niður að þær hafi rýrnað um meira en 1000 milljarða á 4-6 vikum.
-auðvitað eru þeir ekki aular ef þeir og þeirra fólk eignast góssið fyrir ekki neitt. Þá verðum við að kalla þá siðblinda aumingja, en við skulum vona að til þess komi ekki.

Og ég bara spyr aftur og enn...
...ætla fréttamenn að hneppa börnin okkar í þrældóm með því að gera lítið úr eignum bankanna og samþykkja að eignir bankanna séu einskis eða lítils virði?
...er verið að tala eignirnar niður og sannfæra þjóðina um að þetta sé bara eitthvað bréfadrasl svo "réttu" aðilarnir geti fengið þetta á silfurfati fyrir ekki neitt?

Hvar eru gríðarlegar eignir bankanna núna? Verður eitthvað talað um það?

Af hverju hefur bara verið talað um skuldirnar hingað til?

Hvað er í gangi???

 

Ný greiðslujöfnunarvísitala tekin upp

Athugasemdir

[Gunnar Þór Gunnarsson, 14.11.2008 kl. 16:33]

Alþjóðafjármálafellibylur er enn í gangi

[Doddi (IP-tala skráð) 14.11.2008 kl. 17:30]

Þettaa eru nú meiri óbermin, Vinstri Grænir

[Björgvin Kristinsson, 14.11.2008 kl. 17:49]

Já Doddi, þetta er frekar skrítið hjá þeim... er virkilega enginn Vinstri grænn hérna að lesa sem vill útskýra málflutninginn?