Komin skýring á rauðu ljósunum?

Skrifaði um það fyrir mörgum mánuðum að olíufélögin væru ábyggilega komin með puttana í stillingu umferðaljósanna, því þau voru skyndilega orðin svo vitlaust stillt að nánast þyrfti að nauðhemla við öll ljós þegar komið er að þeim, með tilheyrandi auka eldsneytiseyðslu.

Hér er slóðin á færsluna síðan í sumar: http://skumur.blog.is/blog/skumur/entry/603708/

 Og nú er skrýtið mál komið upp!!!
Maðurinn sem sér um stillingar og eftirlit með umferðarljósunum er með hundruði ef ekki þúsundir milljóna inn á bankareikningi sínum, samkvæmt frétt á visir.is í dag. Þar segir m.a.: 
"Rannsókn efnahagsbrotadeildar Ríkislögreglustjóra á málefnum Friðjóns hófst eftir að ábendingar bárust um að almennur starfsmaður Orkuveitunnar, sem vinnur við eftirlit og umsjón með götuljósum, velti fleiri hundruð milljónum króna í gegn um bankareikninga sína.

Í einhverjum tilfellum munu innistæður á bankareikningum borgarstarfsmannsins hafa verið rétt tæplega einn milljarður króna."

Hér er fréttin í heild sinni:  http://www.visir.is/article/20081125/FRETTIR01/633543082/-1

Það skildi þó aldrei vera annað olíusamráðsmál að koma upp á yfirborðið???
... Það sér kannski enginn annar en ég samhengið í þessu...

Athugasemdir

[Björgvin Kristinsson, 25.11.2008 kl. 20:54]

Nýtt olíusamráð?

Kannski svolítið langsótt en getur verið að olíufélögin hafi verið að greiða umsjónarmanni umferðarljósanna fyrir að vanstilla þau eins og mér datt í hug s.l. sumar? Það er allavegana mjög undarleg tilviljun að umræddur aðili sé allt í einu með hundruði ef ekki þúsundir milljóna á bankareikningi sínum.
 Hér er slóð á bloggið mitt þar sem ég reyfa þessa hugmynd:
http://skumur.blog.is/blog/skumur/entry/724977/

Vinsamlegast sendið þetta áfram á aðila sem gætu hugsað sér að athuga þetta mál.

Þetta bréf er sent á helstu fréttastofur landsins:

Kveðja Skúmur.

[Ragnheiður , 26.11.2008 kl. 17:41]

Hehehe þetta er ljósastauraeftirlitsmaður

Hitt er held ég því að kenna að ljósadótið er allt orðið umferðarstýrt og borin von að geta ekið í einni bunu alla miklubrautina eins og var hægt.

Kenningin er samt góð !

[Björgvin Kristinsson, 26.11.2008 kl. 18:12]

Já. Datt fyrst í hug að senda þetta á spaugstofuna enda er þetta of gott til að vera satt....