Búinn að finna þessa lykt lengi.

Keyri þarna framhjá reglulega og finn alltaf þessa "metangas" lykt á sama staðnum. Nánast undir brúnni. Grunaði lengi vel stöð litlu vestar sem einmitt selur metangas en ætli það sé ekki bara í sundur skólpleiðsla á svæðinu.

Enginn gasleki á Select

Seinni bolludagurinn er í dag.

Eru ekki allir búnir að flengja konurnar sínar.

Sá örtröð fyrir utan blómabúð í Lönguhlíðinni klukkan 6.30 í morgun. Þar voru komnir saman stór hópur af vandræðalegum karlmönnum.

Eins gott að allt sé eins og það á að vera þegar ægivaldið vaknar...

Skemmtilegar skoðanir og raunverulegar ástæður 002

Smá upprifjun.

Nú er Konudagurinn og því datt mér í hug speki um konur sem er nefnilega sú að lengsta hugsanlega vegalengd sem hægt er að ímynda sér á að vera á milli góðrar konu og slæmrar konu. þetta sagði mér farþegi í algjörum trúnaði fyrir svolitlu síðan. Raunverulega ástæðan hlýtur að liggja hjá karlpeningnum ef maður þekkir þetta rétt.

 

Svo er enn og aftur smá um vandræðaganginn hjá eiginhagsmunapoturum þjóðarinnar.

Trixið með að skera niður þorskkvótann til að geta selt allar nýbyggðar íbúðir á höfuðborgarsvæðinu mistókst og því voru loðnuveiðarnar bannaðar alveg. Raunverulega ástæðan er sennilega sú að venjulegt landsbyggðarfólk hefur bara ekki efni á að borga þessi ósköp sem þessar íbúðir eiga að kosta.

LEYFIÐI LOÐNUVEIÐAR STRAX AFTUR!!!

 

Smá von um vaxtalækkun...
Það á að taka afganginn af Baugsmálinu fyrir hjá Hæstarétti eftir nokkra mánuði. Ef þeir verða sakfelldir er þó nokkur von um að vextirnir lækki um einhver brot úr prósentu.

Í guðanna bænum látiði dæma svona mál fyrir norðan í framtíðinni.

 

Minni enn og aftur á baggalút.

www.baggalutur.is

 

Skemmtilegar skoðanir og raunverulegar ástæður 001.

Í vinnunni minni rabba ég við ótrúlegasta fólk um ótrúlegustu málefni og oft koma skondnar skoðanir fram í dagsljósið.

 Raunverulegar ástæður :

Kvótaskerðingin.

 Þorskkvótinn var ekki minnkaður vegna stærðar stofnsins.... neiii, Það er svo mikið af óseldum nýbyggingum í Reykjavík að nokkrir byggingaverktakar kipptu í réttu spottana til að fá afganginn af landsbyggðinni hingað suður.
 Auðvitað veit hver barnaskólakrakki að fiskurinn heldur sig í vissu hitastigi sem í tilfelli þorsksins er þar sem heitir hafstraumar mæta köldum hafstraumum. Hvað skeður svo þegar heiti hafstraumurinn eflist skyndilega og heitu og köldu hafstraumarnir mætast á nýjum stað???... Hafrannsóknarstofnum fær ekki bröndu í netin á gamla staðnum....Hljómar þetta mjög ósennilega?

 

Svo var einn að tala um vaxtaokrið og sá var nú ekki að skafa utan af því.

Raunverulegar ástæður:

Vaxtaokrið.

Raunveruleg ástæða fyrir háum stýrivöxtum Seðlabankans er ekki sú að slá þurfi á þensluna enda er ekki þensla og hefur ekki verið nema kannski á húsnæðismarkaði sem þurfti einfaldlega leiðréttingu....neiii fyrst að Baugsmálið tapaðist er einfaldlega verið að hefna sín á viðskiptavinum Baugs sem er auðvitað nánast öll þjóðin. Svo þegar viss ónefndur blýantsnagari verður loksins látinn taka pokann sinn fer hann í upprunalega starfið sitt sem er nefnilega innheimta vanskilaskulda.

Hljómar þetta mjög ósennilega? Já frekar ósvífið, en þetta finnst mér athyglisverður flötur enda eru nánast allir sérfræðingar ósammála vaxtastefnu Seðlabankans þannig að þá er bara um að gera að leggja saman 2 og 2

 Kíkið á www.baggalutur.is ef þið hafið gaman af svona öðruvísi hugmyndum.
 

  

Réttur gír...

Þá er landið okkar Ísland loksins komið í réttan gír eftir fleiri fleiri mollulega vetur í röð

Lenti oft í þessu...

Lenti oft í því að keyra svona heilu og hálfu dagana fyrir mörgum, mörgum árum. Það er einfalt að stjórna hraðanum með því að einfaldlega drepa augnablik á vélinni með svisslyklinum þegar t.d. óbærilegum hraða eða einfaldlega lögboðnum hámarkshraða er náð. En það má alls ekki taka lykilinn úr á ferð því þá læsist stýrið í næstu beyju.

Bensíngjöfin festist í botni

Fyndnasti stjórnmálakafli sögunnar.

"Hlutirnir gerast hratt í ráðhúsi Reykjavíkur þessa stundina. Óstaðfestar heimildir herma að nýr borgarstjórnarmeirihluti hafi verið myndaður nú rétt í þessu.

Mun meirihlutinn skipaður sjálfstæðismönnum 40 ára og yngri, flakkaranum svonefnda auk auðra og ógildra.

Nýr borgarstjóri er Hermóður E. Katsutami, lautinant. Eða í öllu falli þar til annað kemur í ljós."

 Svo hljóða skrif þeirra á baggalútur.is og finnst mér þetta ekki hljóða ótrúlega miðað við gang mála undanfarið.

Annars mæli ég bara með Davíð Oddsyni sem lífstíðar borgarstjóra. Hvað með það þó það þurfi að byggja allskonar rándýr hús reglulega ef í staðinn yrði von um smá vaxtalækkun fyrir sótsvartan almenninginn.

Öskudagar framundan.

Fór í  Just-4-us, Kids-ar-4 eða hvað hún nú heitir nýja dótabúðin í hæsta húsi landsins að kaupa öskudagsbúning á mini-mý. Kappinn var hæstánægður með valið og svaf í búningnum í nótt. Sennilega verður þessi búningur notaður eitthvað meira en bara á öskudaginn.....................

Pant fá svona veður hingað.

Við Tröllfaxi viljum svona veður sem oftast.

Fannfergi í Grindavík

Þá vantar bara milljarð fyrir hina...

...  Þá er kominn tími á að þeir sem höfðu ekki veitt einn einasta fisk þann 29. apríl 1986 fái einn milljarð frá Íslenska ríkinu þann fyrsta ágúst næstkomandi. 

Íslensk stjórnvöld breyti fiskveiðistjórnunarkerfinu