Nýtt hlutverk...

Ein leiðin til að borga ICESAVE.

Einn Ráðherrann okkar gerði sig digran um daginn þegar tilkynnt var um olíulindir úti fyrir austurlandi og kallaði sig olíumálaráðherra. Margir sjá að þarna sé landinu borgið enda um gríðarlegar auðlindir að ræða. Ekki ætla ég að gera lítið úr þessum tíðindum en ég vil benda á leið sem er mun nærtækari. Heimsmarkaðsverð á olíu fer hratt lækkandi en verð á vatni fer hratt hækkandi. Ef við lítum á verð á þessum vörum út úr búð má lauslega áætla að vatnið komið á 0,5 lítra umbúðir sé um 5-10 sinnum verðmætara en flestar olíutengdar vörur.
Í ljósi þessa mæli ég með því að stofnuð verði átöppunarverksmiðja í eigu ríkisins sem selji vatn um allan heim í neytendaumbúðum og noti hagnaðinn til að borga icesave skuldirnar. Tilvalið væri að kalla afurðina Icewave. Upplagt væri að setja þessa verksmiðju upp í tónlistarhúsinu enda er það upphaflega byggt af þeim aðilum sem með icesave höfðu að gera og glerhjúpurinn myndi minna á afurðina sem yrði til innandyra. Breytingarnar á hlutverki hússins myndu vekja heimsathygli þannig að ekki þyrfti að kvíða því að afurðin fengi ekki umfjöllun. Við yrðum með mest auglýstasta vatn í heiminum fyrir minnsta peninginn og við yrðum einnig með flottustu vatnsverksmiðju í öllum heiminum.
Eftir sem áður yrði kannski smá pláss eftir fyrir tónlistina á efri hæðum þannig að ferðamenn gætu komið og skoðað flottustu vatnsverksmiðju heimsins og hlustað á fallega tónlist í leiðinni og auðvitað ætti að setja upp sýningu á upphaflegu áformunum og ástæðum þess að þau gengu ekki eftir.
Er einhver með betri hugmynd?

Reynt að leysa mál Tónlistarhúss

Hættum að kaupa Breskar vörur.

Ég kaupi ekki breskar vörur og mæli með því að almenningur sniðgangi allt sem Breskt er þar til þeir hafa borgað fullar skaðabætur vegna notkunar hryðjuverkalaganna á bankana okkar. 

Hugleiðingar í upphafi nýs árs.

Þessi agnarsmáu augnablik sem við lifum nú þessa mánuðina og þá næstu geyma að margra mati stærstu tækifæri Íslandssögunnar og jafnvel heimssögunnar. Það hefur verið kvartað yfir hugmyndaleysi meðal mótmælenda efnahagsklúðursins þannig að ég læt hér vaða nokkrar hugmyndir sem væri kannski hægt að skoða og slípa til. 

Íslenska efnahagssvæðið og gjaldmiðill framtíðarinnar 

Og nú ætla ég að skrifa á hreinni íslensku...
Við sem þjóð með sjálfstæða stjórn þurfum nú að breyta okkur úr brjáluðu innflutnings og kaupæðisþjóðfélagi yfir í framleiðslu, útflutnings- og söluþjóðfélag enda undanfarin ranggengisár íslensku krónunnar búin að rústa fjárhag okkar í heild sinni.
Við þurfum að koma Íslenskum atvinnuvegum á það plan að boðlegt sé bæði  á innlendum sem alþjóðlegum vettvangi.
Vegna atburða síðustu mánaða hefur alheimurinn misst alla trú á gjaldmiðli okkar og ef vel á að vera þarf að umskýra Íslensku krónuna okkar svo hægt sé að ná því trausti til baka og er þá nærtækast að taka upp nafnið Skildingur. Það ætti nú ekkert að kosta skildinginn smá nafnabreyting miðað við ávinninginn. Afnema ætti verðtryggingu með öllu eða hafa hana allsráðandi á öllum sviðum. Ekki er tækt að ýmsir liðir hækki um tugi prósenta milli mánaða svo sem leiga og húsnæðisafborganir en á sama tíma standa laun almennings í stað eða lækka jafnvel. Það skapar bara vandamál. Einnig er nauðsynlegt að breyta nafni gjaldmidilsins því ef við hugsum nógu og stórt blasir við að Evrópusambandið í heild sinni, öll helstu ríki N-Ameríku þar á meðal  Mexícó og Kanada gætu farið að íhuga gaumgæfulega aðild að Íslenska efnahagssvæðinu. Ef ekki á nýju ári þá eigi síðar en því næsta eða þarnæsta þar á eftir en ég má ekki segja hvers vegna sökum b...leyndar.

Landbúnaður.

Allt sem þarf í þessum málaflokki er bæði einfalt, fljótlegt og áhrifaríkt ...
Nú er tækifæri til að koma besta landbúnaði heims á blað. Skipta út tilbúnum áburði fyrir lífrænan og öðru sem til þarf og votta ALLT sem lífrænt ræktað. Bjóða þarf alheiminum upp á fósturvísa úr íslensku kúnni vegna sérstakra eiginleika mjólkurinnar hennar gegn t.d. sykursýki auk þess sem við erum með lang bragðbestu mjólk sem fyrirfinnst. Einnig þarf að gera bændum kleift að selja einhvern hluta afurðanna beint til neytandans. Það þarf að koma afurðunum á alþjóðlega markaði sem hágæðavöru með hámarks virðisauka í huga til hagsbóta fyrir alla Íslensku þjóðina.

Moldarkofahokur og draslverðlagning á hágæða afurðum ætti að tilheyra miðöldum.

Sjávarútvegur.

Það eru mikil tækifæri framundan í sjávarútvegi...
Nú þegar allir helstu bankar landsins er í ríkiseign gefst einstakt tækifæri á að afnema óréttlátt gjafakvótakerfi það sem viðgengist hefur hér á landi undanfarin ár. Enda munu atkvæði þeirra 10 sem nú eiga allan kvótann ekki duga til að koma manni inn á þing samanber Framsóknarflokkinn sáluga. 
Veiðigjald er nærtækasti arftakinn að mati undirritaðs. Veiðigjaldið legðist á afla upp úr sjó og núverandi kvótaeigendur ættu þá inneign sem gengi upp í veiðigjald komandi missera. Aflamarki yrði að stýra með ákveðið mörgum sóknardögum í mánuði. Togarar færu út fyrir 50 mílurnar með sín botnsnertandi og að margra mati botneyðileggjandi tól þar til þeir hafa verið úreltir. Handfæraveiðar stórefldar og tilbúnum kóröllum komið fyrir á gömlum togslóðum.

Votta fiskveiðar okkar sem sjálfbærar eftir alþjóðlegum stöðlum.

Iðnaður og auðlindir.

Að fara yfir lækinn...
Nú á að vera ægilega mikil olía úti fyrir austurlandi og hafa sumir verið að gera sig digra og kalla sig olíumálaráðherra. Lítraverð á olíutengdu eldsneyti til neytenda hefur undanfarið verið um 110-190 krónur á líterinn og hefur farið hratt lækkandi undanfarnar vikur. Álögur ríkis vegna veggjalds hleypur á stórum prósentum. Á sama tíma kostar hálfur lítri af vatni um 180 krónur til neytenda og hefur farið hratt hækkandi. Við erum með ótakmarkað magn af vatni. Ég get ekki betur séð í fljótu bragði en að það mætti auðveldlega fá margfalt meiri tekjur af vatninu okkar heldur en því takmarkaða magni af olíu sem þarf að eyða milljörðum í til að ná upp af hafsbotni. Kannski er þetta allt gott í bland.
Í rafmagnsmálum þyrfti að stórefla smávirkjanir sem ekki krefjast stórra miðlunarlóna og auðvelda þeim tengingu við landsnetið.
Svo þarf auðvitað að beisla vindinn og sjávarföllin.
 

Samgöngur.

Mesta gjaldeyrissóun frá upphafi byggðar hefur viðgengist í þessum málaflokki...
Rafmagni verði komið á allan ökutækjaflotann og samið við stóra bílaframleiðendur eins og til dæmis Toyota/Lexus um framleiðslu á umhverfisvænum línum bílaframleiðslunnar.
Almenningssamgöngur verði stórbættar með heildarlausnum fyrir daglegar þarfir einstaklingana.

Aðkoma ríkis aukin í samgöngumálum sveitarfélaganna enda hefur mikil óþarfa gjaldeyrissóun verið viðloðandi þennan málaflokk undanfarna áratugi.

Menntamál

Víð Íslendingar eru framarlega í flokki í menntamálum...
 Eingöngu þarf að slípa áherslurnar lítillega til. Við þurfum til dæmis að kenna börnunum okkar að fara vel með peninga, mat og allt sem snertir þeirra daglega líf. Byrja strax í skólunum og auðvitað á heimilium að hugsa allt til enda. Ekki bara það sem er að gerast í augnablikinu. Kenna þeim afleiðingar af aðgerðum sínum. Þá "búum" við til góða einstaklinga fyrir komandi ár. Einstaklinga sem stjórna landinu þegar að við erum orðin gömul.
Setja þarf upp tómstundasetur þar sem ungmenni geta hist og stundað heilbrigða afþreyingu allt frá íþróttaiðkun til vísindatilrauna.

Efnahagsmál og efnahagshrun

Við þurfum að standa saman...
Dæmið er stærra en nokkur venjulegur maður getur ímyndað sér og nú er aldeilis komið annað hljóð í strokk samsæriskenningarmanna og kvenna. Fyrrverandi hlutaðeigandi 33 meintir aðilar og orsakavaldar bankahrunsins hér á Íslandi eru hér nánast beðnir afsökunar fyrir hönd þjóðarinnar en auðvitað afsakar græðgi ekki einfeldningsháttinn.

Þeir munu flokkast sem fórnarlömb ef neðanritað á við nokkur rök að styðjast sem sennilega mun aldrei koma í ljós. En auðvitað þarf að skipta út fólki og fá nýtt blóð í forystusveitina. 

Það er nefnilega komið upp úr dúrnum að svo virðist sem Íslensku bankarnir og aðrir bankar í heiminum hafi gengið í gildru alþjóðlegra samtaka aðila sem allt eiga og allt geta. Þeir hafa einfaldlega Þegið fullt af milljarðalánum á góðum kjörum sem svo allt í einu"alveg óvart" voru bara því miður gjaldfelld af ýmsum "óviðráðanlegum" mismunandi ástæðum. Einhverjir gamalgrónir bankar settir í gjaldþrot bara sísona og einhver dularfull undirmálslán, fölsuð lán og allt gert til að dæmið minni ekki of mikið á orsakir kreppunnar 1930.

Það er nefnilega málið. Sama eða svipað trix var notað í kreppunni 1930 og er aðaltilgangurinn hjá þessum gríðarlega stóru peningaöflum að komast yfir ýmsar eignir fyrir lítið fé.  Þegar hlutaðeigandi ríki eru svo til komin í þrot munu hinir stóru aðilar birtast og taka yfir helstu eignir viðkomandi ríkis svo sem orkufyrirtækin, símafyrirtækin, samgöngufyrirtækin og helstu eignir sem skila munu "réttu" eigendunum góðum arði í næstu uppsveiflu. Ástæða kreppunnar er einfaldlega sú að þessi peningaöfl voru orðin leið á tilbreytingarleysinu. 
Jæja... svona eru pælingarnar hjá lengra komnum þessa dagana.

 Utanríkis- og varnarmál

Hvað er að gerast í Palestínu ofan á allt annað fyrir botni miðjarðarhafs. Eru ísraelsmenn að hefja biblíustríðið hans Bush? Og hvernig endar það? Eru Þeir ekki þar að auki með öll gereyðingarvopnin sem þeir seldu Saddam á sínum tíma en "fundust ekki"?
Fyrir 10 árum heyrði ég sögur um það hvernig raðir kjarnorkueldflauga voru grafnar neðanjarðar í sandinn í Írak og var því mjög hissa þegar upp úr kafinu kom að það voru "engin slík vopn neinsstaðar að finna sama hvað þeir "leituðu" vel."
Á Barak Obama að taka við vítislogum af Bush sem nú notar síðasta tækifærið sem áhrifamesti maður Ísraels til að koma af stað stríði stríðanna áður en hann hættir?
Hef annars aldrei skilið þetta ísraelsdæmi. Er þetta ekki bara eitthvað svipað og ef við ætluðum að ryðjast inn í noreg af því að við vorum einu sinni þar. Það yrði eitthvað sagt ef við værum að smala saman norðmönnum inn í einhverjar herkvíar og senda svo sprengjur yfir þá ef þeir væru með eitthvað múður. Ég hef aldrei skilið þetta dæmi en kannski er bara engin vanþörf á Bjarnason army eftir allt saman.

Fleiri hugmyndir eru vel þegnar

 Það væri gaman að heyra hvort það séu fleiri með hugmyndir og eins hvort það séu fleiri "Hægri grænir" þarna úti.

Lifið heil á komandi ári og á komandi umrótartímum.

Snillingur...

Jóhannes Kristjánsson betur þekktur sem Guðni Ágústson ofl. er ekkert að skafa utan af því í viðtali í fréttablaðinu í dag. Hann keypti sér fullt af Evrum fyrir ári síðan og setti í bankahólf. Upphæðin í krónum talið hefur rúmlega tvöfaldast... hann sagðist hafa séð þetta fyrir. Nú er hann að undirbúa sig fyrir kreppuna sem hann segir að komi af fullum þunga í júlí þegar allir verða boðnir upp. Hann safnar í hlöðu og býst við ísaldarkreppu. Ég býst við einhverju svipuðu...

Hvað getum við íslendingar hjarað lengi hérna ef samband við önnur lönd leggst af?
Eru til varahlutir í virkjanirnar okkar?
Eru til varahlutir í bílana okkar- eða eldsneyti á þá?....ok...eru til nægilega margir hestar? 

Sniðugt DV!!!

Þeir eru búnir að koma fréttinni á framfæri. Og þurfa engu að kvíða......... snillingar

Breyttur leiðari DV

Leiðrétting við fyrri færslu...

... hlutaðeigandi eru beðnir afsökunar.

Það er verst að hann hitti ekki í hausinn á honum því svo virðist sem Íslensku bankarnir og aðrir bankar í heiminum hafi gengið í gildru Bush og hans manna, Þegið fullt af lánum á góðum kjörum sem svo allt í einu voru gjaldfelld af ýmsum mismunandi ástæðum. Einhverjir gamalgrónir bankar settir í gjaldþrot bara sísona og einhver dularfull undirmálslán og nú það nýjasta, fölsuð lán.
Sama eða svipað trix var notað í kreppunni 1930 og er aðaltilgangurinn að komast yfir ýmsar eignir fyrir lítið fé. Alþjóðagjaldeyrissjóðurinn spilar stóra rullu í dæminu í gegn um seðlabanka BNA sem svo ólíklega vill til að er í einkaeigu. Þegar hlutaðeigandi ríki eru svo til komin í þrot munu birtast stórir aðilar sem taka yfir helstu eignirnar svo sem orkufyrirtækin, símafyrirtækin og helstu eignir sem skila munu "réttu" eigendunum góðum arði í næstu uppsveiflu.

Leikfimisæfingar þær sem útrásarvíkingarnir okkar voru farnir að stunda voru einfaldlega varnaraðgerðir gegn þessum gríðarlegu öflum sem stefna hvert???

Sennilega ættum við að leggjast undir feld yfir hátíðarnar og hugsa okkar ráð...

Kannski vorum við bara fyrst???

Skókastarinn orðinn þjóðhetja

Munurinn á BNA og Íslandi er sá...

...að á Íslandi er valdasjúkur innheimtulögfræðingur seðlabankastjóri en kjósendur í BNA myndu aldrei samþykkja svoleiðis. Þessi seðlabankastjóri okkar er með flesta ráðherrana gjörsamlega í vasa sínum og stjórnar hann gerðum og hugsunum þeirra að eigin vild. Mikið af vinum og fjölskyldufólki hans hagnast verulega á því að almenningur komist í vanskil og Þess vegna er aukið á hörmungar almennings með öllum tiltækum ráðum hér hjá okkur með ýmsum hækkunum. Þar vega hæst stýrivextir svo þeir sem lenda í vandræðum með afborganir fái hæstu mögulegu dráttarvexti og sökkvi enn dýpra í skuldafenið, svo er það eldsneyti svo fólk sem reyni að fá lausn mála sinna á hinum og þessum stöðum klári allt í bensín, og svo er það áfengi og tóbak þannig að það taki fljótt af þegar fólk sér ekkert annað í stöðunni en að drekkja áhyggjum sínum.
Þetta er nú svona helsti munurinn á BNA og Íslandi... 

...er kannski einhver með gáfulegri skýringu á þessum mun á stýrivöxtum?

Hugsanlegt met í stýrivaxtalækkun

Ég er brjálaður!!!

Hvers konar samansafn af *&"#$/&$ er þetta niðrá alþingi?
Er þetta jólagjöfin til þjóðarinnar frá þessum %#"%#&&/!!$#*?

Nenni ekki að skrifa um þetta núna en bíðið þið bara...
...og hvernig eru útskýringarnar á því að lánin mín hækka af því að eitthvað fólk út í bæ þarf að drekka brennivín?

Tillögur um mikinn niðurskurð

Möguleiki 1 eða möguleiki 2 ?

Nú er ég búinn að reyna að halda mig frá blogginu í nokkrar vikur og hlusta bara á fréttir og farþegana. Í gær talaði ég við Íslendinga sem búa í Evrópu og hafa horft á bankahrunið og afleiðingarnar úr fjarlægð og það var merkilegt hvað það var sammála því sem mér hefur fundist frá upphafi.
Það er ekki ætlunin að gera lítið úr hlut útrásarvíkinganna því auðvitað áttu þeir að sjá og vita hvaða bakland væri til staðar ef illa færi.
En fólkið talaði sem sagt um að það væri sennilega ekki hægt að kenna einum eða neinum um þetta því allir eru viðriðnir á einhvern máta en þó væru það kannski stjórnvöld og seðlabankinn sem fólkið í Evrópu lítur á sem helstu sökudólgana og þá væri Davíð Oddson alveg sérkapituli. Annaðhvort væri hann orðinn galinn eða þetta væri allt saman úthugsað plott sem erfitt væri að koma auga á utanfrá en þó væru ótrúlega margar vísbendingar sem allar bentu í sömu átt hvort sem það er tilviljun eða ekki.

það er oft sagt þegar maður þreytir próf og er ekki alveg viss um svarið við einhverri spurningunni að það fyrsta sem manni dettur í hug sé akkúrat rétta svarið.

Það fyrsta sem mér datt í hug þegar ég heyrði fréttirnar um Glitni og Seðlabankann var að nú hefði Davíð Oddson með bláu höndinni sinni náð sér niður á Jóni Ásgeiri. Enda fyrst það tókst ekki í réttrarsalnum þá varð að beita sterkari meðulum. Ekki að aðstoða bankann hans heldur hirða hann einfaldlega af honum...og almenningur... bara viðskiptavinir óvinarins... hyski og skríll.

Kannski var það ekki erfitt að ná ætlunarverkinu ef það var þá ætlunin frá upphafi. Það eina sem þurfti að gera var að gera ekki neitt og það skilaði fullkomnum árangri. Meira að segja Geir talaði um að aðgerðaleysið væri að skila fullkomnum árangri en enginn skildi hvað hann var að tala um á þeim tíma enda ekki von. Það átti enginn von á þessum ósköpum. Og það sem er verst er það að það þurfti varla að lyfta litla fingri til að fullkomna ætlunarverkið.
Enginn varagjaldeyrissjóður, ruglingslegar beiðnir sendar á helstu seðlabanka heimsins sem voru ekki teknar sem hjálparbeiðni, lánalínum stolið frá Glitni með einföldu hvísli um Emron Íslands, ekkert talað við ráðherra Samfylkingar vegna slæmrar stöðu bankanna og svo vegna aðstoðarbeiðni Glitnis fyrr en allt var afstaðið. Og svona mætti lengi telja ýmislegt smálegt sem var gert eða sem ekki var gert...

Svo meðan eignum óvinarins er skipt milli réttu aðilanna þyrlar bláa höndin upp allskonar moldviðri til að slá ryki í augu fjölmiðlafólks og almennings. Árni Matt talar við Breta á einhverri skandinavísku með enskum hreim og gerir þá kolbrjálaða, Davíð segir til öryggis á hreinni Íslensku að það sé meiningin að borga ekki skuldir óreiðumanna í útlöndum, 
hann þykist svo vita eitthvað ægilegt sem enginn má vita,
hann ætlar aftur í pólitík ef honum verður hent út....
...og svo mætti telja áfram.

Þetta er allt sagt og gert til að þyrla upp moldviðri á meðan réttu eignirnar fara á réttu staðina fyrir ekki neitt.
Hvað fékkst fyrir Glitni í Noregi eða Svíþjóð sem var metinn á 33 milljarða. Það var skrifað upp á sölu upp á 3 milljarða sem fást svo ekki einu sinni borgaðir vegna einhverrar greiðslu sem bankinn hafði milligöngu um. Þar fór 33 milljarða eign á réttan stað fyrir ekki krónu. Ég er viss um að litlu börnin okkar hefðu verið fegin að fá eitthvað aðeins meira upp í skuldirnar sem þau þurfa að borga fyrir herkostnað bláu handarinnar. Hvað á að gera við Moggann? Láta litlu börnin okkar borga 3milljarða af þeirra skuldum og selja flokksgæðingum blaðið á 1 milljarð. Svo er verið að segja upp fréttafólki á RÚV svo við fáum aldrei meiri fréttir af svínaríinu. 

Þetta er rosalegt ef satt er... en... Þetta er bara það fyrsta sem manni datt í hug. Og sennilega vegna þess sem á undan er gengið. Svona hugmyndir er hægt að fá þegar gamlir valdasjúkir pólitíkusar eru ráðnir í ábyrgðarstöður og það er ótrúlegt hvað púslin passa.

En svo er náttúrulega hinn möguleikinn og hann er sá að þetta sé ekki svona úthugsað plott til að ná eignunum af óvininum...
... en er það eitthvað betra fyrir ofangreinda aðila. Eru þeir þá ekki algjörlega óhæfir í þau störf og embætti sem þeir fengu sér. Þá erum við að tala um hinn möguleikann sem fólkið frá Evrópu talaði um...  Og hvort er þá betra að vera galinn eða galinn?

Bókunin frá Össuri komin

Sendum honum blýanta...

...í pósti.

Þá þarf hann ekkert að mæta meira...

 

Man einhver heimilisfangið?

Ráðist inn í Seðlabankann