Vísindaskáldsagan. Kafli 1. Bjartsýnin við sjóndeildarhring 58

Tveir DNA fríir frumuklasar sátu og drukku koffeinsýrulög að morgni 3. sólarupprásar 8776543467. gdjygjuhkóber árið 298978787. Það er meiningin að Seðlabankinn á Íslandi lækki vextina loggaði sá frumuklasinn sem var með Moggann yfir í hinn. Koffeinsýrulögurinn skvettist yfir nágrennið þegar hinn frumuklasinn sprakk úr hlátri. Áhugi minn á almúga ljósavélasýslu á norðurhveli bláhnattar hefur drepið besta vin minn hugsaði frumuklasinn með moggann. Ég verð að klára dæmið og fylgja ljósasúlunni alla leið á yfirborð bláhnattar. Þegar hann nálgaðist yfirborðið sá hann skelfilega sjón í vesturátt. Marglit  málmhylki með gul eða bleik ljós gleyptu sauðsvartan almúgann sem virtist gersamlega bjargarlaus og flutti tilviljanakennt að misstórum steinhylkjum sem síðan soguðu viðkomandi miskunnarlaust að misstórum glerkössum eða flatgleri innst í iðrum sínum og hófu dáleiðslu með tálmyndum þegar viðkomandi virtist vera að má fullri meðvitund eftir málmhylkjaflutninginn. "Þetta er verra en ég hélt" loggaði frumuklasinn heim á skúmalíu á Svarthnetti, "almúginn hérna virðist ekkert spá í eitt eða neitt. Sá stóra hópa hér í vesturátt sem ráfuðu um á litlu svæði uns þeim var raðað í röð til málmhylkjaflutnings." Hann var nú kominn á yfirborð bláhnattar en notaði hina dularfullu ljósasúlu sem birtist nýlega við gagnaflutningana. Það var einmitt í gegnum þessa ljósasúlu sem mogginn hafði borist til svarthnattar þegar starfsmaður í þjálfun gerði að því er virðist afdrifarík mistök á kassa í nýjasta stórmarkaði Skúmalíu....

...fylgist með þegar dularfulli frumuklasinn finnur nýjar og nýjar uppfærslur af mogganum og sendir skýrslur heim til Svarthnattar.