Viðkvæmnisþrjóskuröskun.

Fann upp nýtt orð um helgina...

Ómetanleg...

Tveir menn sitja á ísnum og eru að veiða í gegnum vök.

Eins og karlmanna er siður þá þurfa þeir ekki að vera síblaðrandi en eftir langa þögn segir annar:

“Ég held að ég verði að skilja við kerlinguna mína.”

“Af hverju” spyr þá hinn

“Hún hefur ekki talað við mig í tvo mánuði” svarar karlinn.

Þá kemur löng þögn en svo segir vinurinn:

“þú ættir nú að hugsa þig vel um. Svona konur eru ekki hverju strái!”

Ég fíla svona...

Fílar í ísskápum
Hvernig kemur þú fíl inn í ísskáp?
1. opnar bíldyrnar
2. tekur fílinn út
3. lokar bíldyrunum
4. opnar ískápinn
5. stingur fílnum inn
6. lokar ískápnum.

Hvernig veistu að það er fíll í ísskápnum?
Fótspor í smjörinu.

Hvernig veistu að það eru tveir fílar í ísskápnum?
Tvenn fótspor í smjörinu og svo heyrir þú hvíslið í þeim.

Hvernig veistu að það eru þrír fílar í ísskápnum?
Ekki hægt að loka ísskápsdyrunum.

Hvernig veistu að það eru fjórir fílar í ísskápnum?
Það er smábíll lagt fyrir utan húsið.

 Hvernig kemur þú átta fílum í ískápinn?
Setja þá fyrst í tvo smábíla, fjóra í hvorn bíl.
Nú, ísskápur sem rúmar tvo fíla, hlýtur að rúma tvo smábíla!

Hvernig kemur þú Tarsan í ísskápinn?
Opnar dyrnar, tekur báða bílana út, setur Tarsan inn, lokar dyrunum.

Hvernig veistu að Tarsan er í ísskápnum?
Þú heyrir Tarsan hrópa OYOYOYOIYOIYOOOOOO

Hvernig kemur þú tveimur Tarsan í ísskápinn?
Hvaða, hvaða — það er bara til einn Tarsan!

Hvers vegna eru svona margir fílar í frumskóginum?
Ísskápurinn er ekki nógu stór fyrir þá alla.

Mörgæsir á Mýrargötu?

 

Maður einn kom móður og másandi inn á bensínstöð og spurði
-Hvað geta mörgæsir orðið stórar?
-Svona einn til tveir metrar. Svaraði afgreislumaðurinn
-Almáttugur, þá hef ég keyrt yfir nunnu !!!

Dani og Davíð aftur

 

 

Ég vil fá Dani aftur í staðinn fyrir þessa máttlausu aðila niðrá Austurvelli...

 

 og sennilega var bara Davíð bestur sem borgarstjóri.

Nýr stjórnmálaflokkur?/ nýir tímar?/ ný nöfn?

Sturla Jónsson trukkabílstjóri hefur boðað að stofnaður verði stjórnmálaflokkur og var nafnið Lýðræðisflokkurinn áætlað að verða fyrir valinu sem væri þá lýsandi fyrir markmið flokksins. Það nafn á hins vegar okkar ástkæri Ástþór Ketshup Magnússon og hefur hann ekki í hyggju að afsala sér nafninu enda gott að geta farið beina leið í stjórnmálin eftir nokkur ár á Bessastöðum þegar þar að kemur. Mér var að detta í hug að ef nafnið þarf að vera lýsandi fyrir markmiðin þá ætti  nýji flokkurinn að heita Sjálfstæðisflokkurinn enda er það okkur lýðnum á Íslandi í blóð borið að vera sjálfstæðir í einu og öllu allt frá dögum Ingólfs Arnarsonar. Af sömu ástæðu þyrfti að breyta nafni núverandi Sjálfstæðisflokks í Þingræðisflokkinn eða bara öllu heldur Hagsmunasamtök um einkavinavæðingu almenningseigna. Fyrsta verkið ætti svo að vera það að afskrá þau samtök sem stjórnmálaflokk,...en þetta er nú bara hugmynd sem ég fékk áðan í baðinu...  Eru fleiri með hugmyndir um ný nöfn á flokkana okkar ástkæru sem eru kannski meira lýsandi fyrir markmið þeirra?

Engin þörf á útlendingum eftir smá tíma.

Hundurinn Snati lauk þjálfun þann 25. maí ´08  í akstri bifreiða. Launakröfur hans eru tvær dósir af hundamat á dag og slær hann þar með við svokölluðum útlendingum eða öðru nafni Pólverjum. Snati mun í framhaldinu taka meiraprófið og hefja akstur hjá strætó bs. strax að því loknu. Fleiri þjálfanir eru í boði fyrir flestar stærðir hunda og er mikil ásókn í þær flestar að sögn Gregory Vilnius hundaþjálfara þannig að fljótlega verður hægt að skila flestum útlendingunum til síns heima. Að lokum er skemmtilegt að geta þess að Snati lauk þjálfun í hlutabréfaviðskiptum árið 2006 en hefur lagt svoleiðis bull á hilluna eins og sjá má á myndinni ef hún prentast vel.

Auðveld lausn í augnsýn...

Rafmagnsbílaþróunargjald ofan á eldsneytisgjaldið. Auðveld lausn á eldsneytisokri.

Rakst á snilldarlausn á eldsneytisokrinu á vafri mínu um netið.

Júlíus Sigurþórsson skrifar comment hjá Magnúsi Korntop (http://korntop.blog.is/blog/korntop/ )þann 17.5.2008 kl. 15:18 og hér fyrir neðan er það sem hann hafði að segja um olíuverðið þessa dagana...

 

"Ég ætla að leyfa mér að koma með smá hugsanir sem eru kannski ekki alveg sammála þér. En góð umræða snýst jú um að bera saman fleiri en einn kost.

Olíuverð.

Olían hefur hækkað gríðarlega, án þess að það sé nein raun ástæða fyrir hækkuninni. Heldur er hún alltaf seld hæstbjóðanda hverju sinni og því geta væntingar og ótengdir atburðir haft áhrif á verðið. En olían lýtur hefðbundnum áhrifum framboðs og eftirspurnar. En í dag sjáum við verðhækkanir, þrátt fyrir að enn sé nægt framboð. Verðhækkanir sem virðast eiga rót sína í áhyggjum kaupmanna.

Og olíuríkin og olíustórfyrirtækin græða á tá og fingri. Það kostar þá kanski 20 dollara á tunnuna að ná í olíuna, en þeir eru að fá borgað á markaði 120 dollara.

RUGL!

Hvernig væri ef ríkisstjórnir á vesturlöndum myndu bara HÆKKA verulega álögur á á allt eldsneyti. Segjum 50 kall á hvern líter. (hér væri það þá úr 53 krónum í 103 krónur).

Hvaða áhrif hefði það?

Jú - við myndum lenda í svaka verðhækkunum. En miðað við sömu notkun myndi það þýða tekjur í okkar sameiginlega sjóð upp á 15. milljarða. En fyrir þann pening gætum við haft frítt í strætó (og mikið fleiri strætóferðir), niðurgreitt landflutninga og jafnvel lækkað tekjuskattinn svolítið. (þennan pening sem tekinn er af launum okkar um hver mánaðarmót).

En það yrði til þess að notkun á eldsneyti myndi minnka mikið. Óþarfa akstur hyrfi og fólk myndi hugsa sig um fyrir hverja ferð (eða notaði strætó og reiðhjól).

En þetta hefði þau áhrif að EFTIRSPURN eftir eldsneyti myndi minnka mikið. Og ef allar olíuneysluþjóðir stæðu saman um þetta. Þá myndi það hafa veruleg áhrif á heimsmarkaðsverðið. Því allt í einu myndu allir tankar fyllast af eldsneyti sem engin vildi kaupa. (því það væri svo dýrt). En auðvitað myndi verðið lækka hratt, spákaupmenn myndu að sjálfsögðu kaup olíu af þeim sem biði lægst verð. Því hinir myndu ekki selja.

Þannig gætum við á endanum (eftir nokkra mánuði eða eitt ár í dýru eldsneyti) vera með sama eldsneytisverð, en auka 15 milljarða í ríkissjóð á hverju ári, sem við gætum notað í eitthvað gott fyrir okkur sjálf. Í stað þess að þessir 15 milljarðar lendi í vasa risaolíufyrirtækja og einhverra olíufursta.

Er það ekki betri lausn til lengri tíma?"

Júlíus Sigurþórsson, 17.5.2008 kl. 15:18

 

Niðurstaða...

Ég myndi kalla þessar aukaálögur ríkisins ef til koma rafmagnsbílaþróunargjald. Ég myndi alveg treysta mér í að hanna og smíða rafmagnsbíla sem væru brúklegir á Íslandi ef ég fengi nokkra milljarða til verksins enda er ég ekki bifreiðasmiður fyrir ekki neitt. Svo þegar allir eru komnir á rafmagnsbíla kostar kannski 500 kall að fylla geyminn í staðinn fyrir 7500 sem kostar núna að fylla tankinn. Viðvarandi viðskiptahallinn færi gjörsamlega á hina hliðina enda yrðum við Íslendingar gjörsamlega óháðir olíuinnflutningi og sjálfsagt er ekkert mál að selja og flytja út góða rafmagnsbíla út um alla heimsbyggðina. Er þetta ekki bara snilld?

 Kveðja, Björgvin... einkabílstjórinn hans Magnúsar Korntop( http://korntop.blog.is/blog/korntop/)  ...eins og er.

 

Íslendingar eiga að gera klárt fyrir orkuskipti

Litla sæta frænkan hans Arnars Mána.

Hulda frænka eignaðist frumburðinn fyrir nokkrum dögum.

Ég tilkynnti Arnari að hann væri búinn að fá pínulitla frænku sem hefði komið úr maganum á henni Huldu frænku hans. Hann varð alveg himinlifandi, og kallaði svo stoltur á mömmu sína og sagðist vera búinn að fá nýja systir. Mamma hans leiðrétti þetta nú eitthvað en hann er alveg ákveðinn í því að hann á 3 stórusystur sem heita Rakel, Berglind og Íris og eina litlusystir sem er ekki búin að fá nafn. En Arnar Máni mælir ábyggilega helst með nafninu Arna Sól.

 

Ríkisstjórnin...

Finnst ömurlegt að sjá forsíður Fréttablaðsins og Blaðsins í dag. Á forsíðu fréttablaðsins er mynd af skötuhjúunum Geira og Sollu að halda upp á 1 árs afmæli ríkisstjórnarinnar með leikskólabörnum. Örugglega gaman hjá þeim öllum en þegar forsíða Blaðsins er skoðuð blasir við stór mynd af Geir Haarde og enn ein fréttin af foreldrum langveikra barna sem ný lög um stuðning ná ekki yfir af því börnin eru með sjúkdóm d,e,f en ekki a,b,c. Hversskonar aumingjar eru að stjórna landinu okkar? Er eina takmark hæstvirtrar ríkisstjórnar að safna nógu og miklum lífeyrisréttindum og traðka á aumum lýðnum í leiðinni, það alla vegana lítur út þannig frá mínum bæjardyrum séð.  Hvað finnst þér?