Gullfoss og Geysir

Skrapp í bíltúr um helgina með Arnari Mána að sjá Gullfoss og Geysi. Hann var mjög spenntur á leiðinni og talaði mikið um þetta fyrirbæri. Við sáum Strokk gjósa mörgum sinnum og Arnar spurði svo að lokum hvort þetta væri Gullfoss. Hann varð síðan ekki fyrir vonbrigðum þegar hann sá loksins hinn raunverulega Gullfoss. Mæli með svona bíltúr.

 

 

Pe-in fjögur.

Passat- peningar, peugeot- peningar.

Þarf ekki lengur að læra frönsku því ég á ekki lengur franskan bíl. 

 

 

Myndin tengist ekki pe-unum fjórum. 

Borg rauðu ljósanna.

Hafa fleiri tekið eftir því hvað umferðarljósin eru heimskulega stillt í sambandi við viðskiptahallann hans Davíðs. Annað hvort hef ég eitthvað breytt aksturslaginu eða olíufélögin eru komin með puttana í þetta enda fara mörg þúsund tonn aukalega út í loftið á öllum bílaflotanum meðan allt stendur stopp þannig að það eru heilmiklir peningar í þessu. Ég mæli með því að Þórunn Sveinbjarnardóttir, umhverfisráðherra yfirbjóði olíufélögin enda lagaðist viðskiptahallinn heilmikið strax, með minnkandi viðskiptahalla og þar af leiðandi tilheyrandi stýrivaxtalækkun Seðlabankans, þegar umferðin er farin að ganga greiðlega.

 

Er þetta kannski of langsótt?

Innræti Olíufélaganna.

Nú hefur bæði gengi íslensku krónunnar og heimsmarkaðverðið á olíu gefið tilefni til verulegrar lækkunar á bensíni og dieseli hér á landi. Ég hef ekki orðið var við að olíufélögin hafi lækkað verðið. Einungis OLIS birtir eldsneytisverðið á vefnum en stærri félögin eru ekkert að flagga okrinu.

Er rauða línan lýsandi fyrir eldsneytisverð á íslandi en sú bláa heimsmarkaðsverð? 

Fór á bæði Reykjanesið og Snæfellsnesið í gær.

Stysta en jafnframt lengsta sumarfríðið mitt þetta sumarið. Það var styst í tíma en lengst í kílómetrum....

Myndin tengist ekki ofangreindu sumarfríi.

Allir vita það en enginn sér það...

Þá eru þeir orðnir fimm. Fyrstu tveir komust nærri mannabyggðum en hinir þrír voru fjarlægðir af yfirborði jarðar þegjandi og hljóðalaust svo ekki kæmu einhverjar óuppfyllanlegar kröfur frá einhverjum heimskum jarðarbúum enda myndi þá sjást hvað hrútabúrið er hlægilega lítið og ómerkilegt... Eftir sitja nokkrir gönguhópar sem allir telja að séu ímyndunarveikir...

...myndin tengist ekkert ofanrituðu.

Meðmæli vikunnar.

Keypti þyrlu í Toys"R"us fyrir ca. 3000 kr. með batterýum og ég yngdist upp um 32ár. Arnar Máni fær að prófa öðru hvoru og honum finnst skemmtilegast að fljúga hátt upp í loft og láta hana svo hrapa. Hún virkar enn fullkomlega eftir  yfir 200 "brot" lendingar.

 

 

Reykjanesferð

Fór á Reykjanesið um helgina...

Nú er ég 150 hestöflum fátækari.

Seldi ofur-Passatinn áðan

 

 

Hér fyrir ofan má sjá lítið sýnishorn af eins-hestafla fyrirbærum sem gæti kannski gefið innsýn í hvað um var að ræða.

Steypiregn.

Ekkert varð úr fyrirhuguðu Esjubrölti sökum gífurlegrar úrkomu semm helltist yfir á slaginu 17.00 akkúrat þegar ég var að keyra síðasta farþegann heim. Af þessum sökum verður farið á Reykjanesið um helgina og eitthvað sniðugt fjall fundið á þeim slóðunum.